Оддел за интензивна кардиолошка нега

Одделот за интензивна нега овозможува 24 часовна грижа на најтешките форми на срцеви заболувања. Тоа се однесува на стабилизација и лекување на акутна исхемична болест на срцето, акутно настаната срцева слабост, болести во спроводниот систем на срцето како и други животозагрозувачки состојби од срцево потекло. Кај најтешките пациенти, покрај медикаментозниот третман овозможено е вклучување на механичка вентилација, поставување на привремен пејсмејкер и инвазивни линии за следење хемодинамски параметри. Достапната апаратура и обучениот кадар обезбедува континуирано мониторирање на овие пациенти.